Katkam ka yutip wa da yoh na ka chnat MeEPDCL, da ong wa ka 132KV Khliehriat-Mustem Line daw emkaam wow chna pybmiat ya ka wei hajrong ini daw em i pyndooh bordiñ mynstep ka 17 tarik nadooh 06:00 i step hadooh 11:00 i sngi.
Yeini da leh khnang wow ye u kylliang ya u R-phase Conductor wa da sih hapyrdi u Location No. 208-09.
Heiyatoh wa ini daw dooh bordiñ ha kini ki por mynstep ka sngi ha waroh kawi ka Ri-loom Jaiñtia (East wa West Jaiñtia Hills).
Hanla kattæ leh daw pyrchang u pybdep smat ya i kreh katwa ye neibhah emkaam u kylliang ya kini ki tiar khnang wow lait na iwon iwon i jia wa sñiawsih.
Kani toh katkam ka yutip wa da yoh na u Executive Engineer Jowai Distribution Division.
