U Montri Rangbah ka Meghalaya, u Conrad Sangma da ong u wa daw yachem u wa u Montri Rangbah ka Assam, u Himanta Biswa Sarma mynstep ka sngi yow yaklam hajrong u pood wa da sah khlem pynbait da ki phaw snem.
“Kamwa da dep khana O wa da dep i wow yachem da boon sien yow yaklam ya ini i kaam wa emkaam wei mynstep u man kam i jooh wow yachem u yaklam hajrong u pood wei daw pynbait wow booh da ka tarik yow man kam ka yachem wa pura namo ka Official Meeting,” da ong u Conrad.
Ha iwi tawon i liang da ong u wa da pynman ya ka yachemlang wa ki Party wa em hapoh ka Meghalaya Democratic Alliance (MDA) ynne ka sngi yow yaklam yei wan u Montri Kaam Pohyung ka ri, u Amit Shah, yow lai rah ya ini i jooh i kaam khappood waka Assam wei da yaklam leh wa ki kaam wa yatoh wa ka chnat Bordiñ waka chnat Social Welfare.
U Conrad da ong u leh wa ha kani ka yalang da yaklam yei pynkylla (Amendment) ya ka Sixth Schedule, Eight Schedule, i pynkylla noh ya ka Joint Cadre (Assam-Meghalaya Cadre) wei wow pynyinsur leh yei snem yaleh kreh.
