Kam chibynta wow pteiñ yei e dawai yada COVID-19 ha waroh kawi ka ri, ka sorkar pyrdi da rai ko wow pynkrehkaam ya ki thaw e dawai ha ki thaw sumaar sorkar wa ki yong ki bru samen ki COVID Vaccination Centres (CVCs) man-ka-sngi ha uni u bnai (nadooh myntu hadooh 30 Naitung (April) 2021).
Hajrong ini ka sorkar da thoh ko cha waroh ki sorkar jylla wow pynkhreh wow e ya ini i dawai COVID ha ki CVCs man-ka-sngi yong uni u bnai.
Yeini waroh da leh toh khnang wow pynsmat yei e dawai yada COVID-19 ha waroh kawi ka ri.
Ya i dawai da mang kyrpang wow e ya kiwa da tlot i doh i pran khamtam kiwa da heh rta wow yada ya ki na u COVID-19.
Ka sorkar da rai ko leh wow e ya i dawai ya kiwa da em palat 45 snem nadooh ka 1 Naitung katkam i tyrwa ka National Expert Group on Vaccine Administration (NEGVAC).
