15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynman ka Bosco Pnar yaka sngi wa kyrpang ya ki 200 ngut kiwa da pyndep yei chah sikai

Advertisement ad1

Ynne ka sngi, ka Bosco Pnar Vocational Training Center, Jowai da yoh ko wow e ya ki Certificate cha ki khon khynroo khyllood yong thaaiñ Pnar kiwa da em kamwa 200 ngut kiwa da pyndep yei e chah sikai namo ka Training yong ki ha ki lain puræ Motor Mechanic, TATA Motor, Welding, Furniture, Electrician, Typing, Computer Basic, Data Entry, DTP, Tally, DCA, Computer Hardware, House Wiring, Plumbing wa kiwi kiwi tawan.

U Goldenstar Suchiang, uwa man u Actor wa pawnaam da man u kam u kongsan ha kani ka sngi wa kyrpang yong kiwa da dep yei chah sikai. Hei klam yong oo da e u yei sneiñ wei e mynsien cha ki khynnah khynroo khyllood khamtam kammon wow im deiwa bha, wow man kiwa lehkhooid ha ka imlang sahlang yong i ki khon ka ri Pnar. Heiwa da kyntu u leh ya ki khynroo khyllood kiwa da yoh ya ki Certificate wei kiwa da pyndep ya ki Training yong ki wym toh wow pynsep-ai hi-eh ya ki sap wa da yoh ki deiwa pynemkaam neibynta ka mynried ka mankawi ka yong ki.

Ha kani ka yalang da em leh ki chaad ki rwai na ki khynnah Hostel Bosco Pnar kiwa em yumut wei kiwa e mynsien ya ki khynroo khyllood neibynta ka mynried mankawi yong ki.

Share this:
Previous

Daw e ya i dawai yada COVID-19 man-ka-sngi yong uni u bnai

Next

Khut sñiawbha ka Panaliar cha ka Syntu Ksiar Musical Festival