Ka Meteorological Centre Shillong da pyntip ko wa u slap daw pteiñ u wow hiar ha kini ki sngi wow wan u wym joor ha ki kattu katni ki thaw ha waroh ki District ka jylla.
U slap daw rap joor u haka 21, 22, 23 wa 24 tarik uni u bnai ha kiwa boon ki District ka Meghalaya wei daw em leh u kdur waka lailieh.
Ha kini ki 24 kynta hadooh ynne i step won, u slap wa boon dooh wa hiar toh ha thaaiñ Nonstoin, Williamnagar, Tikrikilla wa Mawphlang kiwa da yoh 20-40mm u slap.
Ha kiwi won ki bynta wa rap hiar u slap da man kamwa 2.5-10mm donhi.
Ki thaaiñ wa duna hiar slap toh ha East Jaiñtia Hills, Nongpoh wa Ampati.
Discussion about this post