Ka East Jaiñtia District Sports Association (EJDSA) da pyntip ko wa da daw pynman ko yei jied khynnah yalehke Athletics wa kynthup ya ki chynrang wa kynthai wa neibynta kiwa yalehbol neibynta ki chynrang hapoh 21 snem i rta haka 11-04-2022 ha Madan Dkhiah West Sports Club kawa cha pohchnong.
Du kiwa wan e pyrtuid hapyrdi ka 8:30 wa 10:00 waje i step ha madan, ha katai ka tarik u chah wow chimbynta. Hap ki leh wow man kiwa napoh East Jaiñtia Hills District yow ye u chimbynta.
Neibynta ka Athletics iwa emkaam u tip:
Ya waroh ki chynrang wa kynthai kiwa daw chah jied toh neibynta kiwa hapoh 16 snem, hapoh 18 snem, hapoh 23 snem wa kiwa 23 snem chaneiñ.
Ha ki yalehke Athletics u jied neibynta ka Track & Field itæ i yaphet wa i ya pakhot.
I por wow pynman yeini i jied ya kiwa chimbynta ha ka Athletics u man i 9:00 waje thij i step.
Hap leh wow rah ya ka Birth Certificate/Aadhaar Card kawa paka.
Neibynta ka yalehbol:
Daw jied du yaki chynrang kiwa hapoh 21 snem donhi. Ym hoi wow tam snem ki yaka 21 snem kat ha u November 2022.
I por wow sdang yei jied toh heipor 10:00 waje i step.
U chah du 3 ngut donhi na kawi ka Club (rah dei thoh naka Club wada phah ko ya kiwa yalehke 3 ngut wa paka bha yong ka)
Ym chah wow chimbynta ya ki wym biang ki tiar yalehke.
Rah ya ka Birth certificate/Aadhaar Card wa paka.
Kiwa mihkhmat ya ka District neibynta ki kynthai, daw mihkhmat da ka Reserve Team wada em chwa kawa kynthup kiwa yalehke wa kynsai wada jooh myllien yong ka District waroh kawi.
Ini toh katkam wa pyntip na u General Secretary EJDSA, u Comine One Joy Tlang.
