Katkam wa pyntip u President ka The Association of Meghalaya Traders and Transporters (TAMTT), u Enrico Pasi da ong u wa da yoh u ya ka chithi ha ka 28/06/2022 heiwa da kyrpaad wow pynlai ya i jied ya u/ka President ka Jaiñtia Hills Truck Owners Association (JHTOA).
I jied pynthymme ya u/ka President wa kiwa kitkaam ka JHTOA u man i ha ka 11/07/2022.
Hajrong ini neiliang u Pasi da kyntu u wow wan chimbynta waroh ki tre truck nadooh ki 6, 10, 12, 14, 16 chaka (tyre) wow jied ya kiwa kitkaam wa thymme ka seiñ JHTOA.
Ki kyndon heiyatoh wa ini i jied (thap vote) u man i kamni hawah:
- Rah ya ka EPIC wa ka Registration Certificate (RC) ka truck.
- Kawi ka RC kawi ka EPIC kawi ka Vote.
Neiliang ka JHTOA da ekti ko wow pynlai ya ini i jied ya kiwa kitkaam ka seiñ ha ka TAMTT, JSU wa ka HITO.
Ini toh katkam ka Wyrta na u Enrico D Pasi uwa pynlai ya ka Election.
