Ka India Meteorological Department, Meteorological Centre Shillong da pyntip ko wa u slap daw joor bha u hadooh ka 3 tarik u bnai wow wan.
Ynne ka sngi u slap wa joor bha toh ha East Khasi Hills wa South West Khasi Hills wei uwa rap joor toh ha East wa West Jaiñtia Hills deilang waka South Garo Hills.
Mynstep ka 30 tarik leh u slap daw pteiñ u wow joor ha East Khasi Hills, West Khasi Hills, South West Khasi Hills, Eastern West Khasi Hills, East Jaiñtia Hills, West Jaiñtia Hills, West Garo Hills wa South West Garo Hills District.
Ha ka 1 tarik u slap wa joor daw hiar u ha East Khasi Hills, West Khasi Hills, South West Khasi Hills, East Jaiñtia Hills, West Jaiñtia Hills, West Garo Hills wa South West Garo Hills District.
Ha ka 2 tarik u slap wa joor wa uwa joor bha daw hiar u ha waroh ki District ka jylla wei ini daw pteiñ i leh hadooh ka 3 tarik.
Ha kini ki sngi daw em leh u kdur deilang waka lailieh.
Ynnin ka sngi u slap wa joor dooh toh ha Sohra kawa da yoh 72.4mm u slap, ka Mawsynram 69mm waka Nongpoh 55.4mm.
Deiwa kheiñ yonglang u slap wa joor dooh toh ha ka thaaiñ Mawkyrwat, Mawsynram wa Sohra katwa iwa duna dooh toh ha ki thaaiñ Garo Hills kiwa yoh hapoh 10mm u slap.
Discussion about this post