Ka sorkar Meghalaya da pyntip ko wa daw khang yei lai i wan ki kari kamai (Public Transport) wei u khang leh ya waroh ki dukan, wa kiwi ki thaw khayi pateiñ nadooh pyrdi synyaw ka 20 tarik u March, 2020 hadooh pyrdi synyaw ka 21 tarik u March 2020 ha waroh kawi ka jylla.
Ya ini da leh yow pynkrehkaam yaka hukum sorkar Notification No. Health.68/2020/31 dated 16-03-2020 yow khang yei poor u khñiang COVID-19 wei yow pynman leh ya ki pynsñiawthooh paidbah kammon wow yada nei poor uni u khñiang.
I pyntip na u Commissioner & Secretary to the Government of Meghalaya, Health & Family Welfare Department.
Ha East Khasi Hills District won, ka DC da pyntip ko wa da pynkrehkaam yaka Section 144 CrPC ha waroh kawi ka District.
Ym chah wow wai ya kiwon kiwon ki yaw ki haat kamjooh ki dukan, u khang yei pyn krehkaam waroh ki kari kamai wei i yalang palat 5 ngut ki bru ha ki chithaw ha waroh ki thaw palat yaki yung ki sem.
Kani ym krehkaam ko ya ki Security Forces wa ki Medical Team wa em Duty.
Ini u krehkaam i nadooh ka pyrdi synyaw ka 20 tarik u March 2020 hadooh ka pyrdi synyaw ka 21 tarik u March, 2020.
Da kyntu ko leh wa ym toh u pynpoor yaki khubor thok wa yatoh wa u khñiang COVID-19.
‘Janta Curfew’
Neiliang won u Prime Minister ka ri da kyntu u yaki paidbah wow bood yaka ‘Janta Curfew’ haka 22 March, 2020 nadooh 7 AM hadooh 9 PM, lait noh na kitu ki bru wa em haki kaam wa emkaam wa ym hoi u dam (Essential Services) wa ym toh u mih ki na yung.
Discussion about this post