Daw khang ya ka sarok lai Sohra

Neidaw wa daw pynman ya ka 3^rd Sohra International Half Marathon daw hap khang ya u sarok Laitsohpliah cha Sohra chipor.

I khang ya uni u sarok toh ha ka 21 tarik uni u bnai nadooh 5:30 i step hadooh 10:30 i step yow ye u lai bait kani ka Marathon.

ADVERTISEMENT

Ya kiwa chimbynta ha kani ka Marathon daw em ka Bus wow yang ki nadooh 4:00 waje i step wei daw mih ko heipor 4:30 i step na Shillong.

Ya kitu kiwa phet ya ka 21K daw yang ya ki ha Barik Traffic Point, kiwa phet 10K daw yang ki ha Shoppers Stop Mall wa em mar pyrchah ya ka Main Secretariat katwa kiwa phet ya ka 5K daw yang ki ha Barik Point i thaw wow lai cha All Saints wa BSNL Office.

Waroh kiwa chimbynta emkaam ki wow poi heipor 3:30 i step ha jar jiar i thaw wa da booh ya ki.

Related posts

Du neidaw wa booh Status chah pam uwi da ka wait

October 21, 2026

Lai yang ka KSU Umsning Circle ya ka nan Nongmahir yow pyrchah yei wan noh Blai ka Puja Committee 

October 21, 2026

Ya kitu kiwa na Sohra kiwa chimbynta ha kani ka yaphet pyllah daw yang ya ki ha Lad Thanad, Sohra.

Ya ki thaw booh ya ki tiar ki taar kiwa phet daw booh 150-200 mts na i thaw pynkut i yaphet.

Da pyntip leh wa waroh kiwa chimbynta toh u pynkreh ki da i yong ki hi i baam neibhah ym e baam hei step.