Ka yung krehkaam ka Deputy Commissioner, East Khasi Hills da pyntip ko wa neidaw wa dang kreh ya u sarok na Km 4+700 (Shillong Peak Junction) hapoh ka Shillong-Dawki Road Project, da khang yei lai ki kari na laad Sanmer (5th Mile Junction) cha Air Force Station Gate, Shillong Peak.
I por wow khang yei lai ki kari toh nadooh 10:00 waje i miet hadooh 6:00 waje i step nadooh ka 29 tarik uni u bnai hadooh ka 1 tarik u Kmaichonhlad (Dec), 2025.
Ya u sarok da khang deiwa daw booh leh ya ki Signage wa Barricade da kiwa pynkreh ya u sarok wei ha kini ki por daw chah wow lai du ya ki kari wa lai emkaam jhan namo ki Emergency Vehicle wa kiwa da yohbor wow lai.
Kamtæ da kyrpaad ya ki paidbah wow man kiwa yakrehlang deiwa bood ya ki kyndon wa da booh.
Chooh chooh da kyrpaad ya ki paidbah wow lai na u sarok Pomlakarai-12th Mile heipor wa khang ya utai u sarok ha kitai ki sngi.
Discussion about this post