U MDC ka Jowai South, u Moonlight Pariat ynne hawa yaklam wa kiwa thoh khubor da ong u wa da slem hi da pyrkhat u wow psiah cha ka BJP tangwa da chim rai u dang ha kini ki sngi.
Hawa jubab yeiwa chah pynbaad ka BJP heiyatoh wa ka niam iwa da ktah bha ya ki kyrtong yong ka heipor yaleh Election, u Moonlight da u wa manda pynhun ka BJP ya waroh iwa dawa daw wiar lut kitæ waroh deiwa ong wa daw heh daw san bha ko hapoh Jaiñtia Hills lada ye wow wai yei khih mooyong.
Heiyatoh won wa ka Election MLA heiwa da yakhun u na ka UDP ha u 2023, u Moonlight da ong u wa ka UDP toh kawa tlot bha wei kattu deiwa em u ha ka BJP daw khlan chooh chooh u wei daw kreh chitom leh yow jop ha u snem 2028.
U Moonlight da ong u wa sorkar pyrdi toh kawa kwah wow yarap tangwa ka sorkar jylla toh ka wym bien deiwa e nongmuna ya ka Para 12A (b) ka Sixth Schedule heiwa nadooh u snem 2018 ki bru ka sorkar pyrdi da wan ki heiwa da em leh ka Meeting deiwa emlang u Prestone Tynsong kam u Deputy Chief Minister tangwa ym em jia iyi iyi.
Discussion about this post