15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Daw khut yachem biang ka sorkar ya kiwa yahkhmat niam yow rai yei wai ki yung mane Blai

Advertisement ad1
Advertisement ad1

Heiyatoh wow wai noh ya ki yung mane Blai hapoh ka jylla, u symbood montri rangbah ka jylla u Prestone Tynsong da ong u wa daw khut biang ya ka synjuk kiwa yahkhmat niam yow yaklam biang wow wai noh ya ki.

Da ong u wa ym toh wym chah wow wai neibhah da dep wow chah u wai tangwa neiliang kiwa yahkhmat ki niam da ong ki wa neidaw wym ye u bood ya ki kyndon da rai ki wow dam chwa u wai.

Kamtæ daw khut biang yaka yalang wow yaklam u wai ya ki thaw mane Blai.

Ha iwi tawon i liang da ong u wa nadooh myntu i pyrdi synyaw daw khang ya ki Entry Point wow psiah cha ka jylla kamwa da thmu yow yoh leh ki wakreh ha kini ki Entry Point wow chong ngiah chi tayaw.

Chooh chooh da ong u wa ini ym toh i leh pyrchah yaka hukum ka sorkar pyrdi lyngba ka MHA wei ki kyndon toh wa da booh kamwa da leh cha kiwi ki jylla kam ka Tamil Nadu, Karnataka waka Andhra Pradesh neidaw wa ku kiwa dang yoh COVID-19 wei lada ym booh yaki kyndon daw ktah ko ya iwa da leh chitom wow khang yei poor ka khlaam.

Heijooh i por da ong u wa ym em khang ya ki kari wa kit yaki maar wa emkaam wa kiwa leh yei kaam wa ym hoi u dam wow psiah chapoh ka jylla.

Heiyatoh won wa kiwa psiah chapoh ka jylla da ong u wa kiwa boon toh kiwa chong chnong ka jylla wei kiwi toh kiwa man kam ki Highly Skilled Worker kiwa dang duna hapoh ka jylla.

Share this:
Previous

Pynbait thaw ka sorkar ya kiwa chongdai rood sarok ha Shillong

Next

Da pynbna kam ki Containment Area ya ki yung wa em ha Jail Road wa ha Jhalupara