15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Daw kynmoo warom ka JYF ya ka lyngkhooh sngi yap u President u (L) Poipynhun Majaw

1 Comment

Jowai: Neiliang ka Jaintia Youth Federation kam ka dak wow kynmoo warom ya ka lyngkhooh sngi yap u President yong ka u (L) Poipynhun Majaw da rai ko wow pynman yaka yachemlang mynstep ka 19 tarik dei wa laibooh syntu ha u Lumtlep Bru ka Balang Presbyterian Thadlaboh ha i por 01:00 waje i sngi chirup wa kiwa ha yung ha sem ki lok ki jor waki para seiñbhalang waroh.

Katwa heipor 5:30 i janmiet yong ka jooh ka sngi daw em leh ka thang mombati ha yungsah yong u (L) Poipynhun Majaw ha Lumpariat Ladthadlaboh Jowai. Ha kani ka janmiet daw em leh i klam naki katu katni ki waheh wa kiwa yahkhamt ki seiñbhalang.

Kani ka kynmoo warom ya kani ka sngi u man ko leh kam chibynta wow kynmoo warom kamjooh kam i bood dien ya i chah thombor i mynsien wa kordor yong u President ka seiñ u wa da yeiñ yaleh ya chiboon ki kaam wa bha neibynta ka ri waka jaitbru.

Kamtæ neiliang ka JYF khut kyrpaad ko ya phi ki kur ki jait ki kha ki man ki paradoh parasnam khamtam leh yaki para seiñbhalang waroh wow sñiawbha phi u ya wan lang cha kini ki artylli ki yalang ha kani ka sngi.

Previous
Next

1 Comment

  • March 19, 2019 at 1:12 am
    Shimphang Lyngdoh

    N

    Reply

Leave a Reply