U Montri Rangbah ka jylla, u Conrad Kongal Sangma da ong wa ym slem de ka sorkar daw pynbna noh wa ka Mawlai daw chah kynthup wow pynkrehkaam noh ya ka Mahatma Gandhi National Rural Employment Guarantee Act (MGNREGA), neibhah ka Mawlai ym em haap ko hapoh i pait ka Municipal Board.
Da ong u wa em i kulmar yumut hawa yatoh wa i pynkrehkaam ya ki Scheme, deiwa ong leh wa ka sorkar ka sñiawthooh ko wa man iwa emkaam neibynta iwa bha, wei da pyntip u wa hadien wa da yaklam wa ka sorkar India, da pdiang wow pynkrehkaam ya ka MGNREGA wei iwa sah katni toh wow pyndep yeiwa emkaam, wei hadien itæ daw pynbna noh wa ka Mawlai daw em noh ko hapoh ka MGNREGA.
Ha iwi i liang u Montri Rangbah da pyntip u wa ka sorkar da lai ko chakhmat wow kyrriah noh ya ka Marten na Mawlai, heiwa da ong wa ka sorkar da dep ko wow tipmit ya ki kattu katni ki thaw wow kyrriah ya ka Marten.
Hawa yatoh wow kyrriah ya ka ktem ki CRPF, u Conrad da pyntip u wa da dep wow yaklam boonsien wa ki heh CRPF kiwa da bien wow mih noh na Mawlai hadien wa da ye wow pynbiang da kawi won ka thaw. Da ong u wa ini i dawa leh daw ye u pynmankaam noh deiwa smat.
