theme-sticky-logo-alt
theme-logo-alt
Advertisement ad1
Advertisement ad1

Daw lehkmen ya ka Poshan Maah 2021 ha ka jylla deiwa leh Yoga wa i saam baam

Advertisement ad1
Advertisement ad1

Ka Poshan Maah (National Nutrition Month) toh kawa da lehkmen ha man u Naikhynde ha ki jylla, District, Block wa ha ki chnong yow yaleh pyrchah yei duna baam da iwa tei yei doh i pran katkam ka thong ka Jan Andolan lyngba ka Jan Bhagiidaari kawa tip leh kam ka yakhih paidbah. Ha kani ka kynti da man ko ka lyngkhooh wa 4 heiwa ka phang pyrdi namo ka Theme ha uni u snem toh kawa ong ‘Converging towards a healthy walk through life’ iwa mut wow yapoi yachem lang ha ka luti wa chait hawa im i.

Ka lehkmen ya ka Rashtriya Poshan Maah 2021 daw em ko ha ki soo bynta neibynta ki soo tayaw. I thung kpær hei dur ki Poshan Vatika (Nutri Gardens) ha ki thaw wa em ha ki AWC, ki skur, ki thaw ka chnong wa kiwi de iwa daw leh ha ka tayaw wa nyngkong.

Ha ka tayaw wa ar daw pynman ya ki leh Yoga deilang wa ki AYUSH yow sikai kammon wow e baam. Ka Yoga toh ya kiwa dang punkhon, ki khynnah wa ki kynthai wa dang khai khynroo. Daw em leh i saam ya ki Nutrition Kits cha ki kattu katni kiwa yoh myntoi na ki Anganwadi deilang wa ki kot ki sla e sikai ha ka tayaw wa le katwa ha ka tayaw wa soo won daw pynman yei thooh yow tipmit ya kitu ki wym biang baam wei wow saam baam cha ki.

Daw pynman leh ya ki Webinars kiwa daw pynlai da ka Ministry of Women and Child Development wa kiwi de Ministry kiwa embynta lang ha waroh chi bnai hajrong ki phang wa yatoh wa ki baam wa pynchait wa kiwa tei yei doh i pran.

Ha Meghalaya, ya kani ka lehkmen daw pynbait da ka Directorate of Social Welfare, District Programme Officers wa ki Child Development Project Officers hapoh ka ICDS ha ki District wa ha ki Block deiwa krehkaam lang wa ki chnat sorkar wa embynta lang heini.

Share this:
Previous

Boon biang da kiwa chait hadien ar sngi ha Meghalaya

Next

Kat dang boon ki Toll Gate nang joor sih sarok ha Meghalaya