Jowai: U Secretary yong ka Centenary Celebration Committee ka Balang Catholik Mihmyntdu u Johnda Lyngdoh ha i pynlait khubor u ynne ka sngi da pyntip u wa ki para wa ngait ka Balang Catholik Mihmyntdu, Parish Jowai, West Jaiñtia Hills District daw lehkmen ki yei dap 100 snem ha ka 9 tarik uni u bnai yei wan i ngait niam Catholik ha chnong yong ki wei wow pynkhroo chooh chooh ya kani ka sngi daw pynkyntang Lyngdohsohblei ya ki ar ngut ki Deacon, u Deacon Ebormitre Henry Lamare wa u Deacon James Eleazer Bareh wei daw em leh ka lai Procession Eucharist.
Ha i por 10 waje i step u sdang ya ka lehniam pynkyntang Lyngdohsohblei ya ki Deacon da u Most. Rev. Victor Lyngdoh DD, Bishop ka jylla niam Jowai, neitæ u pynbood sa ka kñia Mass wa khooid ka wow yahkhmat da u Bishop Victor hei synraan ki Lyngdohsohblei kiwa da chah pynkyntang wa kiwi de ki Lyngdohsohblei napoh ka Diocese Jowai wa na baar.
Neitæ heipor 1:30 noh chariñ ka sngi daw bood won sa ka Procession Eucharist.
Da pyntip leh wa ha kani ka sngi daw em leh u montri rangbah ka Meghalaya u Conrad K. Sangma, u Sñiawbhalang Dhar, u Wailadmiki Shylla, u Kyrmen Shylla, u Lahkmen Rymbui wa kiwi kiwi kiwa da chah khut sñiawbha cha kani ka lehkmen dap 100 snem.
Kamtæ neiliang ka Balang Catholik Mihmyntdu da khut ko ya waroh ki khon ki ksu yong ka Bri u Ynñiawtrep wow ya wan chongchit cha Mihmyntdu wow sakhi ya kani ka sngi.
Discussion about this post