Wa ka Reliance General Insurance soi soskular ka sorkar jylla wow pynkrehkaam ya ka MHIS-IV

Shillong: Ka sorkar jylla ynne ka sngi da soi soskular (Agreement) ko wa ka Reliance General Insurance Company Limited wow pynkrehkaam ya ka bynta wa soo namo ka Fourth Pahse yong ka Megha Health Insurance Scheme (MHIS-IV) kawa man i krehlang wa ka Ayushman Bharat – Pradhan Mantri Jan Arogya Yojana (AB-PMJAY).

“Hadien wa sylli bha deimiat ya waroh, ka Reliance General Insurance Company Limited da man ko kawa duna dooh wow paan dor (Lowest Bidder) wow pynkrehkaam ya kani ka Scheme,” da ong u Pravin Bakshi uwa man u CEO ka MHIS uwa man leh kamjooh kam u Secretary Health & Family Welfare Department.

Ya ini i soi soskular da leh ha Secretariat wei neibynta ka sorkar jylla da soi da u Bakshi katwa na ka Reliance General Insurance Company Limited da mihkhmat da u Dr. Saumya Kumar Misra, Segment Head – Government Business Group hei emlang ka chnat yong i chait i khiah u AL Hek.

Neiliang u Hek da pyntip u wa da thrang wow pynkrehkaam ya ka MHIS-IV ha ka 20 tarik uni u bnai wei angnood ka sorkar wow man ko kam ka “Christmas Gift” ya ka jylla wei neiliang won u Bakshi da ong u wa ka sorkar angnood ko wow pynkrehkaam smat noh ya kani ka Scheme.

U Bakshi da pyntip u leh wa ka MHIS-IV toh iwa pynkrehlang (Convergence) wa ka AB-PMJAY wei u krehkaam noh ko hawa sdang uni u snem wow wan wei ya ki thaw register daw pyntip hadien.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da pyntip u leh wa ka Health Insurance u man ko i yarap hadooh T. 5 lak ya kawi pa kawi ka manyung ka wym kynthup ya kiwa kreh sorkar (jylla wa sorkar pyrdi) wei i myntoi ye u yoh na ki thaw sukaar wa yabi wa ka MHIS hapoh jylla wa cha baar jylla kamjooh.

Neiliang won ka MLA ka Congress, Ampareen Lyngdoh da kyntu ko ya ka sorkar wow pynsmat u pynkrehkaam ya ka MHIS-Phase IV.