Shillong: U president ka BJP Meghalaya, u Shibun Lyngdoh da ong u wa ka party daw pynman ko yei lehkmen ha kylleiñ ka jylla wow pynche chaphang ki kaam wa jop ka sorkar National Democratic Alliance (NDA) kawa yahkhmat da ka BJP.
Hawa yakhlam wa kiwa pathai khubor u Shibun da ong u wa ini i lehkmen u sdang i na Ampati ha ka 7 tarik uni u bnai na ka Constituency u Montri Rangbah ka jylla, u Dr. Mukul Sangma, ha ka 8 tarik won u pynman ya ka ha Umsning, ka 10 tarik ha Amlarem, 12 tarik ha Selsella, 13 tarik ha Sohra wa 15 tarik won ha Kharkuta.
Ha kini ki lehkmen daw pynman kam chibynta yong kawi na ki kyntien imsngi ka seiñ wa wanrah da u Montri Rangbah ka ri u Narendra Modi wa ong “Sabka saath sabka vikas-kaba mut” iwa mut i roi i paar ya waroh salonsar.
“Ha kani ka lehkmen daw pynche ya ki paidbah ya ki Scheme ka sorkar pyrdi ha kini ki le snem wa da dep chirrup wei myntoi wa yoh ki paidbah na ki” da ong u Shibun.
Da ong u leh wa kani ka lehkmen ymtoh ka wow ya dihcha namo wow khawai sñiawbha tangwa i thmu yong ka toh wow pynche ya ki paidbah.
Discussion about this post