Ynne ka sngi ka lympung yalehke bol wa tip kam ka 7-A-Side State Championship Football Tournament ha ka Rymbai Zone da poi ko chawa kut ha madan Iaw Pynsin, Rymbai heiwa da jied ya ka Iong Me SC wa ka Azariah SC wow mihkhmat ki ya kani ka Zone.
Kattu ka 7 Wasa FC u yachem ko wa ka Azariah SC katwa ka Iong Me SC u yachem ko wa ka We United wow knieh ya i naam Champion ha ka 30 tarik uni u bnai ha Madan Iaw Pynsin Rymbai.
Kam wow pynkynmoo heini, kani ka lympung 7-A-Side State Championship Football Tournament toh kawa pynman da ka Northeast Sports Development Foundation (NESDF) chirup i yakrehlang wa ka Soccer 7 India Federation.
