Shillong: Ka sorkar jylla daw phah Test biang ko ya ki Sample yong kawi na kiwa yoh ya u COVID-19 kawa 11, wei yeini da pyntip da u Prestone Tynsong uwa man leh u Symbood Montri Rangbah ka jylla.
Da pyntip u wa hadien wa da phah bichaar bniah ha ka sien wa ar ya kawa chah ktah ha u COVID-19; da chem wa uni u khñiang ympu em u khooid u wei ka sorkar daw phah biang ko ya ka Sample mynstep ka sngi katkam ki kyndon ka Health Ministry ka sorkar India.
Kam wow kdaw heini wa ha jylla da em 12 ngut kiwa da chah ktah ha uni u khñiang heiwa da khlaad noh uwi, wei na ki 11 ngut da em 10 ngut kiwa da chem ym em de ki ya uni u khñiang hadien wa dep Test yaki arsien.
Da pyntip u leh wa ha ka jylla hadooh 5 waje ynne i janmiet da dep phah Test 1,884 tylli ki Sample heiwa ki 1782 tylli da chem wa man ki kiwa ym em chah ktah katwa dang yang won sa ya ki 90 tylli.
Discussion about this post