Shillong: Ka Committee wa da khlieh da u montri ka chnat District Council Affairs (DCA) ka jylla u James K Sangma da phyllu yumut bha ko ynne ka sngi hajrong kammon wow tyrwa cha ka sorkar pyrdi chwa wow pynkylla ya ka Sixth Scheduled ka riti synchaar ka ri.
Da yaklam hajrong ki phang wa kammon u phah cha ka sorkar pyrdi, tangwa ka Committee daw chong biang ko ha ka 26 tarik chwa wow phah won cha ka Standing Committee ka Parliament.
U James da ong u wa da yaklam hajrong ka phang wow tyrwa wow thung da u Lat ya kitu ki jaitbru kiwa ym em chah jied næ Unrepresented Tribe hajrong kiwi won.
Ha kani ka yalang da wan chim bynta ki CEM ki Autonomous District Council, ki dkhot ka Committee na ki seiñbhalang, wei kamjooh u montri pynroi sor, u Hamletson Dohling wa kiwi kiwi.
Ha iwi i liang u heh ka MITCRM, u Samuel B Jyrwa da ong u wa i yaklam da man i iwa biang bha neibhah wa da pdiang lut da waroh wei i thmu wow pynkylla ya ka Sixth Scheduled ym ktah ko ya ki tre chnong tang wow pait yei dap i biang ki tre chnong.
Da ong u leh wa da e yumut wa ya i jied ya ki dorbar chnong, toh u leh da ka District Council, ym da ka sorkar jylla wei da pyrchah yei thmu wow thung ya u Lat næ pynpsiah ya kiwi ki jaitbru ki wymtoh ki tre chnong.
Discussion about this post