15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

T. 10 Klur u chna pynmiat pynheh ya u sarok Laitlyngkot-Laitdiengsai

0 Comments
Advertisement ad1

Shillong: U MLA ka Mawkynrew Constituency, u Banteidor Lyngdoh, uwa man leh u montri ka sorkar wa pait ya ka chnat Sports and Youth Affairs, Agriculture, Textiles ynne ka sngi chirup wa u MLA ka Sohra Constituency, u Gavin M Mylliem, da wai ki ya u mooyurim neibynta wow siang rong wei wow pynbha wow pynheh ya u sarok Laitlyngkot-Laitdiengsai (uwa pynyabi ya ka Sohra Constituency wa ka Mawkynrew Constituency).

Ya ini da mang wow pynlut hadooh kamwa T. 10 klur heiwa uni u sarok jrong u kamwa 11.37 Km wei da yoh poisa na ka Central Roads Fund (CRF) yong u snem 2018-2019. Uni u sarok ha ki 20 snem man u uwa bha tangwa kat dang lai ki snem da sdang sih noh u.

Ha kani ka sngi da emlang u Superintending Engineer PWD NH Circle, u L. Kharmawlong, u Executive Engineer PWD (Roads) NH Shillong Bye-Pass Division, u David M Pyngrope, u LT Tariang, BDO Mawkynrew C&RD Block, ki rangbah shnong, ki sordar na ki chnong kiwa uni u sarok u lai lyngba u.

Uni u sarok da yoh u chna ya oo nei kreh chitom kini ki ar ngut ki MLA nei booddien wow yoh ya kani ka poisa na ka sorkar lyngba u montri rangbah ka jylla, u Conrad K Sangma wei kamwa man katni u Contractor, u Rinaldi Ryngksai da sdang u yei kreh chaaid chaaid.

I kreh wow leh ha uni u sarok toh wow chna ya ki dooid kiwa biang, ki R/Wall wa ki B/Wall, ki U-Shape CC Drain neitæ won wow siang rong ya oo.

U Gavin M Mylliem hawa e yei klam da ong u wa ini man i kyrkhu ya ki chnong kiwa em hapoh kini ki Constituency wei daw rap suk i rukom lai i wan hadien wa da chna ya oo.

U Banteidor Lyngdoh da ong u wa uni u sarok manda dep chna daw myntoi bha ki paidbah na oo deiwa ong wa kani ka sngi u man ko ka wow sah kynmoo.

Da ekhublei u leh ya ka sorkar MDA kawa da kreh chitom kamjooh leh u Conrad Sangma uwa da ye wow thap ya ka lyngba ka CRF.

U Banteidor da pyntip u ha ka yalang wa da pynman ha Laitdiengsai wa kam uwa mihkhmat neibynta ka Mawkynrew Constituency da pynpsiah u ya ki Scheme wow chna sarok hadooh wow kynjoh T. 65 klur.

Advertisement ad1

0 Comments

Leave a Reply