Jowai: Ka lehniam Durga Puja yong kiwa ngait niam Hindu ha Jowai da sdang ko nadooh ka 15 tarik uni u bnai wei u pynkut ya ka ha ka 19 tarik deiwa pynngam um ya ki blai ha wah Myntdu (Lynter).
Heiyatoh won wa i pynngam um ya ki Blai manda kut ka Puja, hawa yaklam wa u DC ka West Jaiñtia Hills u Garod LSN Dykes da pyntip u wa ha ka yalang wa pynman wa ka Sarbajanin Durga Puja Committee, Jowai da chim ya ka rai wow pteiñ u leh kamwa da leh ha ki snem wa dadep wow yada ya ki um ki wah.
Neiliang ki dkhot kani ka Committee da pyntip ki wa ha uni u snem daw yaleh hi wow pynneh u yada ya ka wah deiwa burom leh ya ka hukum ka NGT.
Da pyntip ki leh wa ha uni u snem daw sæh da ki chken wa ka jaar ha ka wah ki wow kah wow ksoh ya ki Blai manda pynngam ya ki wei hadien ini daw sai noh ya ki na um yow noh won ki hapoh ka top um ka wa daw booh harood ka wah.
Kam wow pynkynmoo heini, ya ini i rukom pynngam um ya ki blai da i rukom wow yada ya ka um da sdang ha u snem 2016 heipor wa man u Arunkumar Kembhavi kam u DC ka WJH.
Also Read: Ka pynngam blai Hindu ka wa phær na waroh
Discussion about this post