15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Dawa ka KSU na ka sorkar wow chna sarok Single Lane ha West wa South West Khasi Hills

0 Comments
Advertisement ad1

Shillong: Ka Khasi Students Union (KSU) West Khasi Hills wa South West Khasi Hills da dawa ko na ka sorkar wow chna noh ya waroh ki sarok chi laiñ (single lane) ha kini ki ar district neibynta ka roi ka par yong ka thaaiñ.

Hajrong ini ki dkhot ka KSU ynnin da yachem ki ya u Symbood Montri Rangbah ka jylla wa pait leh ya ka tnat PWD (Roads), u Prestone Tynsong wow kyntu ya ka sorkar wow chna ya ki sarok wa kynthup na Rangblang-Wahkaji-Phlangdiloin-Ranikor, ka Wahkaji-Pyndengumjarain-Nongrynniang cha Nongummer, ka Umdohlun cha Ummluh wa na Umdohlun cha Nongumsaw, ka sarok na Nongstoin-Mawkyrwat- lyngba ka Rangblang-Pombriew, wa Mawrangblang, na Nongstoin cha Mawkyrwat lyngba ka Rangblang Pombriew wa Mawthawpdah.

Hawa yaklam wa kiwa pathai khubor u President ka KSU West Khasi Hills Unit, u John F. Nongsiang da ong u wa ka seiñ ym pyrchah ya ka sarok chi laiñ ha ka thaaiñ neibynta i myntoi ki paidbah.

Da ong wa ka sarok Wahkaji-Pyndengumjarain-Nongrynniang cha Nongummer toh ka wym lait wot tang wow lai ki kari leh wei wow pyndam yei eh ki paidbah da toh wow siang rong noh ya katai ka sarok kawa jngai kamwa 15 km kawa waroh chi kattu toh ka sarok khyndaw.

U Nongsiang da ong u wa ka sorkar da toh wow pynbha wow chna pynmiat leh ya ka sarok na Nongstoin cha Nongkhnum wa na Nongstoin cha Maweit, na Mawkyrwat cha Phlangkynshi lyngba ka Riangmaw, na Kynroh cha Nongkhlaw cha Markasa lyngba ka Jaidoh.

“Kwah i wa ki sarok ha ka thaaiñ u man ki kiwa man i myntoi ya ki paidbah, khamtam wa em ki chnong wa wot ki sarok wow lai kari leh ym man. I  yachem wa u montri da man neibynta ki paidbah ka thaaiñ neibhah em ki chnong kiwa la sanphaw snem ympu yoh ki ya u sarok,” da ong u.

Heijooh i por da ong u wa neiliang u Tynsong da kular u wow chimkhia yeini waroh.

Advertisement ad1

0 Comments

Leave a Reply