Shillong: Ka Meghalaya Baby League (MBL) 2018 daw pteiñ biang ya ka mynstep, ha Madan Polo, Shillong.
15 tylli ki yalehke daw pynman ha ki 3 tylli ki madan wa kynthup ya ka Third Ground, ha Jawaharlal Nehru Stadium wa ha Futsal Ground ka Jawaharlal Nehru Sports Complex.
The MBL 2018 toh kawa pynman dei ya krehlang waka Tata Trusts, ka Meghalaya Football Association waka All India Football Federation.
Ki yalehke wa nyngkong u pynman hapyrdi ka ENE Falcons waka Kickstart FCC Rhinos kam chibynta ka Western Conference nadooh 10:00 waje i step. Ha kani ka tayaw wa dadep ka Kickstart Rhinos da rem ko ha waroh ki 5 tylli ki yalehke haka Langsning Greenergy Lions, katwa ka Falcons won da jop ko 2 tylli wei da rem ko 3 tylli haka Mawlatbah SC Hawks. Ka Langsning Greenergy Lions daw yachem ko waka Hawks nadooh chi waje i sngi.
Haka Eastern Conference, ka Nongtrai Panthers daw yachem ko waka Wahlakhiat Bulls nadooh 12:30 pyrdi sngi. Ki Bulls da jop ki ya waroh 5 tylli ki yalehke ki ynnin tayaw pyrchah ya ka JNS Jaguars, katwa ka Nongtrai Panthers da ya drawn ko chisein wei da rem ko ha ki 4 tylli ki yalehke pyrchah ya ka Nongthymmai GC Scorpions.
Discussion about this post