Shillong: U Working President ka MPCC, u Vincent H Pala da pyntip u wa ha ki le tylli ki thaw kitæ ha South Shillong, ha Pynthorumkhrah wa ha Khliehriat ym pu em pynlait ya ki pyrtuid ki kyrtong neibhah ka party dang chong bischaar bniah chwa ko ya ki.
Da ong u wa i wym em pynmih pyrtuid ha ka thup wa nyngkong ki kyrtong ym em mut wa ym pynyieñ neidaw wym em kyrtong wei ym mut leh wym pynyieñ kyrtong wa haap bichaar bniah hadien wa mih ki MLA ka party kam u AL Hek na ka party.
U Pala da kyntait u leh wa daw yakhun u da oo hi na Khliehriat deiwa wa ong wa ka party da em ko ki kyrtong wa biang wei daw pynbna pyrtuid ya ki ym slem de.
U Pala da kam u leh wa ka Congress daw wan biang ko hei bor hadien ka Election neibhah daw jop boon dooh ko na waroh ki Party.
Ha i jooh i por, da ong u wa i yut ki kattu katni toh neidaw wym yoh Ticket ki iwa jooh jia hi ha manla ki Party neibhah ym ye u pynhun ya waroh kiwa paan Ticket.
Discussion about this post