15 49.0138 8.38624 1 0 4000 1 https://wyrta.com 300 0

Mynstep u wan u Rahul Gandhi cha Jowai wow yachem wa kiwa kitkaam ka Congress

0 Comments
Advertisement ad1

Shillong: Ka Indian National Congress (INC) u sdang ko ya ka lai luti cha ka election ha ka jylla deiwa pynman da ka Peace Concert namo ka tamasa wow wanrah yei suk ka wow pynman mynstep ka 30 tarik heipor 6 waje i janmiet kawa daw wan chimbynta ki wa tem wa rwai ka jylla.

Kiwa yahkhmat ka Congress da pyntip ki wa ya kani ka Concert u pynman ha ka 5th Ground Polo, Shillong heiwa u President Rangbah ka AICC, u Rahul Gandhi daw embynta lang u.

Hawa yaklam wa kiwa pathai kuhbor, u Working President ka MPCC, u Vincent H Pala da pyntip u wa ini i wan u Rahul toh wow yachem wa kiwa krehkaam ka party wei kamjooh wa kiwa yahkhmat ki seiñ waphær waphær nadooh kiwa heh niam, ki Waheh Chnong wa kiwi kiwi.

Da pyntip u leh wa daw yachem u wa kiwa kitkaam, ki dkhot wa kiwa kreh ka Congress ha Jowai ha ka yalang wow pynman ha madan Jrisaleiñ, Chutwakhu Jowai heipor chi waje i sngi wei hadien daw wan uiñ biang u cha Shillong.

Ha ka Concert ha Shillong u man u kam u kongsan wei man ko leh kam chibynta wow wanrah yei sñiaw yajan para bru kamjooh i man laitlooid ya waroh ki jaitbru hapoh ka ri wei wow leh warom leh ya u Mahatma Gandhi kawa man leh ka sngi kynmoo warom ya ki bru wa khroo.

U Pala da pyntip u wa ha kani ka kynti wa ym em kawon kawon ka yalang paidbah namo ka Rally tangwa u pynman da ka yachem bru donhi.

Ha ka 31 tarik won, u Rahul daw yachem u ya ki seiñ ki manbei ha St. Edmund Auditorium, Shillong wow sniaw yei eh i khoo yong ki.

U Rahul da mut u leh wow hær na Guwahati cha Tura tangwa neidaw wym chaniah ya ka Company Pawan Hans kiwa pyllai ya ki Helicopter da pyndam noh wei daw wan won u ha iwi tawon i por yow pynman ya ka yalap Election.

Advertisement ad1

0 Comments

Leave a Reply