theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Daw pynchitom da iwa eh ya kiwa emkti wow tympdung IED: Conrad

Advertisement ad1

U Montri Rangbah ka jylla, u Conrad Sangma ynne ka sngi da beiñ u yei tympdung bomb IED deiwa ong wa daw leh da iwa eh ya kiwa emkti heiwa da dep u wow yaklam wa u montri ki kaam pohyung wa ki heh ka pulit Meghalaya heiwa ka takit da lai ko chakhmat.

Da ong u leh wa kam ini ym toh u jia i heiwa hachwa ini da em boon ki kaam dawa poisa na ki bru wei da yoo lakam kani toh ka kaam chna poisa wei ya kam ini ym e laad. Deiwa pynrap wa em kattu katni ngut ki bru wa emkti ha ini i kaam deiwa kular wa ya kiwa chong chnong ka jylla wa kam ka sorkar kamjooh ki pulit u pyntikna wa chnaaiñ ki paidbah wei yoh ki yada.

Da pyntikna u wa i rukum pynlang yutip ki pulit hapoh ka jylla man ko iwa biang wei dang yaleh chooh chooh wow pynkhlan ya ka deiwa e nongmuna u leh wa ka chnat pulit da ye ko wow kem ya waroh kiwa emkti hei pdung bomb ha Khliehriat wa ha kiwi thaw ka East Jaiñtia Hills. Deiwa khana wa hadien ini da yoh leh wow kem ya kiwi kiwa yakrehlang.

Chooh chooh da ong u wa da em du hapoh 10 ngut ki dkhot ka HNLC deiwa ong wa lada ka HNLC kwah ko wow yaklam, hap ko wow wan pyndem wait chwa wei waroh ki yaklam toh u man ko katkam ki kyndon riti synchaar ka ri.

Da ong u leh wa daw pynjoor yei sonteri ha ki thaw wa ye u chah ktah kamjooh wow e yada ya waroh kiwa chong chnong ka jylla.

Share this:
Previous

Pyntikna ki pulit wa i pdung ha Laitumkhrah toh na u IED

Next

Wai u Sanbor ya ki soo tylli ki kaam wa da leh ka chnat AH & Veterinary