Katkam ka wyrta na u Chief Secretary, Govt. Of Meghalaya, wa em 22 tarik uni u bnai heiyatoh wa i wai chi sngi wa i khang ar sngi nadooh ka 23 Tarik, neiliang u Commissioner & Secretary ka Transport Department Order Vide No. TPT. 22/2020/2 Dtd. 22.03.2020 heiyatoh wa i lai i wan ki kari paidbah wa kiwi kiwi ki hukum ki chnat neipor cheipor kamjooh ka hukum u DTO uwa man leh u Secretary Regional Transport Authority, West Jaiñtia Hills District, Jowai heiyatoh wa i lai i wan ki kari kamai hapoh District wa ka hukum na ki Magistrate, da chim ya ka rai wow pynkrehkaam ya ki kyndon thymme heiyatoh wa u khñiang COVID-19.
U Superintendent of Police ka District ynne da pyntip u ya ki kyndon kiwa ye u chah pynchitom katkam ka aiñ lada tyngkheiñ ya kini ki hukum.
Kini ki kyndon kynthup ki ya ka Section 17 yong ka Epidemic Diseases Act 1897, heiwa kiwon kiwon ki bru samen næ seiñ kiwa leh pyrchah daw chah pynchitom ki katkam ki kyndon ka Section 188. IPC.
Ka Sec 188 IPC ong ko wa i tyngkheiñ ya ki hukum ka sorkar ye u chah kset hadooh cibnai namo wa ka kuna,
Ka Sec 269 IPC da ong ko wa i khalær wow leh ya kiwon kiwon ki kaam wow pynpoor ya u khñiang uwa ye u ktah yei mynsien bru ye u chah kset hadooh 6 bnai namo wa ka kuna.
Ka Sec 270 IPC ong ko wa lada leh ya ki kaam kiwa da tip wa daw poor i kjut iwa ye u ktah yei mynsien bru ye u chah kset hadooh 2 snem namo wa ka kuna.
Ka Sec 271 IP da ong ko wa lada ym ngait næ bood ya ki kyndon wow khang-kset (quarantine rule) ye u chah kset hadooh 6 bnai wa ka kuna.
Ka Sec 102 Meghalaya Police Act da ong ko wa lada em kiwon kiwon ki bru kiwa ym bood næ ngait ya ki hukum ka sorkar ye u chah kem wei u chah bichaar ha ka yung kasari wa ka kuna wa T. 5000.
Ka Sec 110 (1) Meghalaya Police Act ong ko wa kiwon kiwon ki bru kiwa tyngkheiñ ya ki kyndon-khian yong ka Section 110 (1) Meghalaya Police Act ye ki u chah bichaar ha ka kasari, deiwa daiñ ya ka kuna wa T. 5000 wei lada dang pteiñ wow leh pyrchah ye u chah daiñ kuna T. 10,000.
Ka Sec 54 Disaster Management Act 2005 da ong ko wa kiwon kiwon ki bru kiwa pynpoor ya ki kyntien hamsaya iwa ye wow wanrah yei syir mynsien ki paidbah ye ki u chah kset hadooh chi snem chirup wa ka kuna.
Katwa kamtæ da kyntu ya waroh ki paidbah wow bood wei wow ngait ki ya ki hukum wa mih neipor cheipor yong ka sorkar heiyatoh wa i yakhun pyrchah ya u COVID-19.
Discussion about this post