Kam chibynta wow yada nei poor ka khlam COVID-19 hapoh ka jylla waka District kamjooh, neiliang u District Magistrate ka West Jaiñtia Hills ynne ka sngi da pynkrehkaam u chisyndon ya ka Section 144 Cr.PC deilang waka Regulation 3 ka Meghalaya Epidemic Diseases, COVID-19 Regulations 2020 hapoh waroh kawi ka District yow khang ya waroh ki jait yalang paidbah wa heh (Social, Political, Entertainment, Academic, Cultural, Religious Functions etc).
Da phah leh wa lada em ha iwon iwon wa em bru wow yajngai 6 phut, u deiñ ya ki Mask wa kiwi kiwa hap leh hawa ky’oh wa synrieh deiwa bood ya kiwi ki kyndon wa da pynmih na iwi cha iwi i por.
Ya ki wym deiñ Mask ha ki thaw paidbah daw chah daiñ kuna ki T. 1000, da khang leh wow dih kiad, baam kwai, baam duma wei wow mynthu ha ki thaw paidbah.
Kiwa psiah chapoh ka District na baar jylla hap ki wowRegister Online ha www.Meghalaya online.gov.in/covid/testing.htm. Wei kani kynthup ko ya waroh kiwa psiah chapoh ka jylla lyngba ka Saphai, Tiehwieh (Sahsniang), Mukroh wa Khanduli. Kiwa psiah khlem pyndep ya ka Test wei khlem pyntip chwa cha ki bor ka chnong chwa u poi ki cha ka chnong daw chah pynchitom ki katkam ka aiñ.
Ki Hotel hap ki wow paad ya ki COVID Negative Certificate ya ki Tourist wa wan na baar jylla.
Hawa pynman ya kiwon kiwon ki yalang wa khian wa pynman hapoh yung, u chah du 50 ngut ki bru lane chi bhah naka le bhah iwa jied da iwa duna dooh na kini, katwa kiwa pynman cha lait u chah du 100 ngut lane chi bhah na le bhah wa hoi u em wei hap wow jied da iwon iwa duna dooh. Emkaam leh wow paan bor chwa na u Deputy Commissioner/Sub- Divisional Officer (Civil) Amlarem wei hap pyntikna wa da bood ya ki SOP wa ka Social Distancing thij.
Ya ki yalehke Sports wa pynman cha lait u chah wow em 100 ngut kiwa paitke lane chi bhah naka le bhah wa hoi u em ki bru deiwa jied ya iwa duna dooh.
Ki Cinema Hall u krehkaam ki du 1/3 na iwa hoi u chong ki bru. Ki thaw maneblai u chah u em ki bru 50% wei wow bood ya ki kyndon yada COVID-19.
Ki bru wa ye u em ha i yap bru wa i lait pyndep niam ym toh u em ki plat 50 ngut wei hap ki wow deiñ Mask. Ki yung ki sem wa em kiwa khlaad hap ki wow booh ya ka Register yow thoh yei thaw sah, Mobile Number wa katwon ngut kiwa wan.