Raliang : Ka ophis krehkaam u Dolloi ka Elaka Raliang daw pyndep ko ya ka lehniam Kopati Puja nadooh ka 22 hadooh 25 tarik uni u bnai.
Ha ka miet yong ka 22 tarik daw em i lehniam hei miet iwa pynbood won sei lehniam pam blang. I wow pynbood won hei step dei pam blang dep neitæ u pynher rapati wei pynkai syntu ha ka wah umyurem.
Heijooh i por daw emleh ka pastieh ha khloo blai i wow pynbood won yei ngooh sangot, pator, langdoh wa kiwi kiwi kiwa ksoh yei kaam niam.
Hadien ini daw em leh i mih yaw heiwa i wow pynbood won dei baamdoh yonglang heijooh i por daw yapynwyrngia ya ki paidbah da i pastieh hadooh i synñiaw.
Ha ka sngi wa bood itæ ha ka 24 tarik daw em ka pynchaad dolloi na yung u Bamon hadooh i yung bei u Dolloi heiwa ki paidbah emkaam ki u pynwit ya u Dolloi.
Katwa ha ka 25 tarik daw pyndep noh yei lehniam Kopati.
Discussion about this post