theme-sticky-logo-alt
theme-logo-alt
Advertisement ad1
Advertisement ad1

Daw pynduna noh yei boon tylli ki Speed Breaker: Wailadmiki Shylla

Advertisement ad1

Heiyatoh wa ki 8 tylli ki Speed Breaker kiwa da booh dang ini wa dep nadooh na laad Iawthymme chadooh cha Mihmyntdu kiwa da wanrah yei ood na ki paidbah neidaw wa joor i sahkut kari wei da chimpor hadooh chi kynta na Jowai cha Mihmyntdu.

Hawa kylli chaphang ini na u MLA ka Jowai, u Wailadmiki Shylla da ong u wa da sñiaw u yei ood ki paidbah wei oo leh da chem u yeini i sahkut kari, deiwa khana leh wa da booh ya kini ki Speed Breaker neidaw wa da em ki waheh chnong kiwa da pynsñiaw yei man chngaaiñ i lai i wan.

Advertisement ad1
Advertisement ad1

Da ong u wa ynne ka sngi da toh u yachem u wa u DC wow yaklam ya ini i jooh i kaam tangwa neidaw wa wan u Chief Justice da hap wow rah tarik noh ya ini wei ym ye u chim yei rai khlem da emlang ki bru ka chnat PWD, ka chnat Transport wa u SP neidaw wa kani man ko kam chibynta ka Road Safety.

Da ong u leh wa heipor sngi utai u sarok man u uwa khynnia bha tangwa hei miet won man u uwa maa wei da em leh dang ini wa dep ki ya tyrrah kari wei da dooh leh yei mynsien bru wei hap leh wow pyrkhat yeini i bynta.

Chooh chooh da ong u wa hadien kani ka yalang daw rai wow pynduna noh ya kini ki Speed Breaker neibhah kamwa man katni da boon tylli ware ki.

Puræ leh: Na Jowai cha Mihmyntdu sahkut kari nadooh wa booh Speed Breaker thymme

Share this:
Previous

Super Division: Jop ka Ladthadlaboh ya ka 7Wasa yow psiah Final

Next

Hanla e bor ka aiñ, ym myntoi wow em ki BSF chadooh Amlarem: JSU