theme-sticky-logo-alt
theme-logo-alt
Advertisement ad1
Advertisement ad1

Daw pynjoor ka JYF yei yakhih wow pynyoh thaw puræ ya kiwa lai Class-XI

Advertisement ad1
Advertisement ad1

Ka Jaintia Youth Federation (JYF) deiwa kyrchaan pura yong ka Jaiñtia Student Movement (JSM) wa kiwi de ki seiñbhalang wa em hapoh ka Ri-loom Jaiñtia hei chong yalang wa jhan ha ka 13-11-2021. Da iwi i sur da rai wow pynjoor chooh chooh yei yakhih neini chakhmat lada ka sorkar dang leh mutlop wym ymbien ko wow pynyoh thaw puræ ya kiwa lai Class-XI.

Ka seiñ da ong ko wa i pynslem ka sorkar wow pynyoh thaw puræ da pynyoo yei tlot i krehkaam yong ka sorkar MDA hapoh i yahkhmat u Conrad Sangma wa khamtam ka chnat Puræ Puthi.

Advertisement ad1

Da kdaw wa nadooh 15-09-21, neiliang ka JYF da dep ko wow e da ka dorkhat cha ka sorkar jylla lyngba u Director ka chnat Puræ Puthi ka sorkar jylla uwa da phah won ya u Joint Director ka chnat wa pait ya ka Jaiñtia Hills wow chim yukheiñ ya kitu ki wym pu yoh thaw puræ hapoh Jaiñtia Hills.

Kamtæ ha ka 08-10-21, neiliang yong u Joint Director wa pait ya ka Jaintia Hills da chimkhia u wow khut yaklam ya ka seiñ JYF ha ka yung krehkaam yong oo heiwa da paan yei pyrtuid yong kitu ki wym pu yoh thaw puræ wei wow pynpoi hapoh ka 15-10-21 yow ye u pynyoh thaw puræ ha i por wa biang, iwa da leh ka seiñ yeini ha ka 11-10-21.

Tangwa da jan dap la ar bnai ka sorkar ym em ye ko wow leh iyi iyi leh, kamtæ da maham wa lada jia iyi iyi ya kitu ki wym pu yoh thaw puræ, ka sorkar MDA hapoh i yahkhmat u Conrad Sangma kam u Montri Rangbah hap u wow chim yei kitkhlieh.

Share this:
Previous

Saam ka KSU Moodymmai Unit ya ka Maitchaphrang Academic Award

Next

Hap wow chimkhia yow lait ka India wow em kiwa boon dooh kiwa kjut chini ha pyrthai: Dr. Jitendra Singh