Daw pynkup burom ka DS Mairangbah ya ka Sylvania yei naam “Best Female Actress”

Shillong: Ka Seng Samla Shnong Mairangbah daw pynkup burom ko ya ka actress, ka Sylvania L Mawlong kawa yoh ya ka khusnaam “Best Femal Actress” ha ka Prag Cine Award Northeast 2017 kawa pynman ha Kokrajhar, Assam ha kini ki sngi wa da dep heiwa da emlang u actor wa pawnaam ka Bollywood u Jackie Shroff. Ka Sylvania toh kawa dang 15 snem i rta wei ya ka khusnaam da yoh ko na ka phlim Khasi wa pyrtuid Dak Bangla.

U President ka Seng Samla Mairangbah, u Macdonald Nongrang da ong u wa i yoh rah ko ya ini i naam toh ka burom ya ka chnong wa ya ka jaitbru waroh kawi.

Da ong u leh wa kani ka khynnah wa dang 15 snem toh kawa em yei sap wei da chimbynta ko leh ha ki yakop chaad ha ka chnong.

Da pyntip u leh wa ka Seng Samla daw pynman ki ya ka pynkup burom ya ka ha kani ka 15 u Naiynñiaw ha Mairang.

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

U Nongrang leh da ong u wa sñiawsih wa ka sorkar ym tipmit ko ya ki khynroo khyllood wa wanrah naam wei ym jooh yarap ko leh ya ki phlim Khasi kiwa man ka wi na ki laad yoh kaam tangwa ka smat ko wow yarap ya ki phlim wa chna ki baarjylla.

“Lada ye ka sorkar jylla u e T. 2 klur ya ka phlim Rock on 2, i yi em i eh wow yarap ya ki phlim Khasi, katwa ka Rock on 2 won da wan ko du chi sngi ar sngi,” da ong u Nongrah.

Katwa ka khyllood Sylvania da poi ko cha kani ka thong toh dei e mynsien u pa yong ka wow ak phlim ko. Kani ka actress Khasi ka toh kawa dang puræ Class VII ha Dongkor RCUP School, Mairang.