Shillong: Katkam ka kyndon Section 4A yong ka aiñ Cable Television Networks (Regulation) Act, 1995, ka sorkar India lyngba ka Ministry Information and Broadcasting, da booh ko ya ka 31 tarik uni bnai kam ka sngi khatdooh yow pynkylla noh yei rukom pynyoo cable cha ki yung ki paidbah.
Ya ini i kylla rukom pynpoi cable toh u kylla noh ya ki analog signal warim cha ka digital signal. Deiwa pynkrehkaam ya ka “Digital Addressable System Phase III.”
U Nodal Officer ka jylla u wa peit ya ka Digitization of Cable Network kamjooh ya ka State and Commissioner, Information and Technology da pyntip u wa waroh ki yung wa pynemkaam cable ha ki thaw sor (Urban Areas) toh u pyndait noh ki da ki set top box wei ya ki wa ym pyndait ya kani ka kor daw dooh noh ki u peit tv lyngba ki cable network.
Da pyntip leh wa ka Shillong (CB), Shillong (MB), Mawlai (CT), Pynthorumkhrah (CT), Nongmensong (CT), Mawpat (CT), Umpling (CT), Nongthymmai (CT), Madanrting (CT), Nongkseh (CT), Umlyngka (CT), Lawsohtun (CT), Cherrapunjee (CT) hapoh East Khasi Hills District.Tura (M) hapoh West Garo Hills, Resubelpara (MB) hapoh North Garo Hills, Williamnagar (MB) ha East Garo Hills, Baghmara (MB) hapoh South Garo Hills, Nongstoin (TC) wa Mairang (TC) hapoh West Khasi Hills, Nongpoh (TC) wa Umroi (CT) hapoh Ri Bhoi District wa ka Jowai (M) hapoh ka West Jaintia Hills da booh ya ki kam ki thaw wa ki chnong wow pynkrehkaam noh ya ka ‘Digitization’.
Katkam wa man waroh ki yung haap thied ki ya ki Set Top Box kiwa chongdor kamwa T. 1,500 hadooh T. 1,700.
Discussion about this post