15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Sdang ka Winter Camp ka Scouts and Guides

0 Comments
Advertisement ad1
Advertisement ad1

Jowai : 150 ngut ki khynnah skur ki wa man leh kam ki scout wa ki guide da wan chimbynta ha kani ka sngi wai ya ka 3rd Winter Camp & First District Patrol Leaders Rally 2015 kawa da pynman ha St. Claret Secondary School Campus, Phramer.

Ya kani ka 3rd Winter Camp da sdang nadooh 8 tarik uni u bnai hadooh 12 tarik. Ha kini ki sngi ki wa wan chimbynta daw chah sikai ki ha ki boon jait ki sap (skill) wa emkaam ki u tip kam ki scout wa ki guide kitæ toh kammon u chet khlem kchu, rukom kdoh tylle wa boon jait, e sumar bru hak dak (first aid) wa kiwi kiwi.

Daw em leh i e sikai ya ki Patrol Leader namo ki nong yahkhmat yong ki 8 tylli ki dhab ki wa em ha kani ka winter camp da ki 40 ngut ki Unit Leaders.

Ha ka yalang wai ya kani ka Winter Camp da pyllait leh ya ki Rally Scarves wa ki Rally Button Badges.

Ka kong E.E. Laloo, Vice President District Association hei klam yong ka da pynkynmoo ko ya ki khynnah wa hadooh katwon man ki kiwa embhah u yoh u yachimbynta kam ha kani wa Winter Camp. Ong ko wa heipor yong ka tang ka interschool leh ymjooh yoh ki ha Jowai hap lai ki cha Shillong.

Da e buit ko leh ya ki khynnah wow man ki kiwa ye u yaleh ya ki jingeh wa daw chem ki ha rta yong ki wei wa kani ka winter camp daw sikai ko ya ki boon jait ki wow pynman ya ki kiwa skem hei man i long samen (character).

Ong ko wa i eh wa khroo wa u tyngkhooh ki toh wa kammon u pynneh pynsah ya ka rymaw neibhah katwa u heh ki daw hap kit ki yei wa da pynsih ka juk wa katni ka wa daw noh ha ki ka lyngkor wa khia bha.

Da wai ya kani ka yalang da u kongsan u ma D.P. Kharsati, District Planning Officer. Ya ka yalang da pyllai da u B.R. Uriah u wa man kam u District Commissioner Scout hei emlang ka kong S. Tariang, District Commissioner Guides, kong C.D. Laloo , Assistant District Commissioner, Adiam Bthuh, District Organiser Scout, ka kong C. Susngi, District Organiser guide, ka kong T. Suchiang, Guide Captain Mukhap UP Scouts & Guide Unit wa kiwi.

Yow pynwyrngai ya ka yalang da yoh yei rwai pdiangburom na ki Scouts & Huides ka Jingshai Mihngi Secondary School Jowai wa i chaad tynre na ka Mukhap Scouts and Guides.

 

Share this:
Previous

Lehkmen dap 150 snem ka skur wa jooh sikai u Soso Tham

Next

Daw pynkylla Digital noh ya ki cable TV Network kamjooh leh ha Jowai