Ka phlim wa dang thymme wa tip kam ka “Skap: The Brother of Skop” daw pynlait paidbah ya ka Trailer ko haka 8 tarik uni u bnai heipor 6:00 waje i miet ha u YouTube Channel ka Ekrami Creation.
Kani ka phlim toh kawa da pyntoh pyntne du u Ebormi Muksor kam u Director wei man ko leh kawa da dep pynbiang lut waroh wei sa du u pynlait paidbah donhi ym slem de wei da man ko leh kawa da yooluti bha ki bru hadien wa ki phlim u Skop da man ki kiwa pawnaam bha.
U Ebormi Muksor man u leh kam uwi na ki Director wa da bna naam ha Ri Khasi wa Ri Jaiñtia uwa da pynmih kamjooh u Director ka Skop 1, Skop 2 wa kiwi de ki phlim wa pawnaam kam ka Da Theh Lut wa kiwi kiwi.
Ha kani ka Skap: The Brother of Skop da ak da u Sunday Salahe, ka Regina Lamo, u Jimmy Wann, ka Margrita Kynjin, u Dawlupaia Khyriem, ka Sofia Dohtdong, u Jaminson Lapasam, ka Phira Dohtdong wa kiwi kiwi de.
Ka Skap: The Brother of Skop man ko ka phlim Comedy hi deiwa bood ya ki dak kjat u Tynde u Skop (baam kwai ha dwar u Blai) wei da chna ka leh wow pynrkhai ya phi kiwa pait.
Ya kani ka phlim da klam ha ki 3 tylli ki jait ktien kitæ toh hei ktien Pnar, ktieñ War Jaiñtia wa hei ktien Khasi.
Discussion about this post