Ha kini ki por i pynmih phlim da sdang ku biang i hapoh ka jylla khamtam hapoh Ri-loom Khasi wa Ri-loom Jaiñtia wei ha kani ka kynti daw pynlait noh ya ka phlim Khasi wa thymme wa pyrtuid Romeo & Rossy (A Divine Love Story).
Ya kani ka phlim da pynwandur (Directed) da u Larry Suchiang wei u pynyoo paidbah ya ka nyngkong dooh ha Yungwalieh ka Dorbar Chnong Panaliar nadooh ka 24 tarik uni u bnai heipor 2:00 waje i sngi, 5:00 waje i janmiet wa heipor 7:30 i miet.
Ha kani ka phlim da embynta lang wow ak ki bru wa pawnaam na Khasi wa na Jaiñtia.
Kamtæ da khut ya phi ki paidbah wow wan sakhi ya kani ka phlim khnang wa ki kaam chna phlim hapoh ka jylla yong i wow nang ku ko chaphrang wow pynka-it ya phi sam chaphrang.
