Daw pynman biang ka Seiñraij Ionglwit ya ka yakob Miat Kynthai

Kamwa jooh pynman khlieh ki snem, myntu u snem leh daw pynman biang ka Seiñraij Ionglwit (Nongjngi), West Jaiñtia Hills ya ka yakob Miat Kynthai kawa ynñiaw.

Kamtæ ka Seiñraij Ionglwit, West Jaiñtia Hills da pyntip ko cha ki khon kyllood hapoh Khasi/Jaiñtia wa daw pynman ko ya ka yakob Miat Kynthai kawa tip kam ka 7th Beauty Contest ha ka 30 tarik u Kmaichonglad (Dec) heipor 6:30 i janmeit ha Madan Jyrkhla (Ionglwit) kam ka dak wow lehwarom ya ka sngi wa khlaad u Woh Kiang Nangbah u khlawait ka jaitbru Pnar.

Ha kani ka sngi daw em leh ki Chaad Tynre wa ka Fancy Dress yong ki khynnah kiwa hapoh 15 snem kamjooh ka Housie kam wow pynwyrngia ya kiwa paitke.

Kamtæ ka Seiñraij Ionglwit lyngba kani ka Wyrta khut ko ya waroh ki khon khyllood hapoh Khasi/Jaiñtia wow wan chimbynta ha kani ka yakob miat kynthai.

“Ngait skem i wa lyngba i chimbynta yong phi ki khon khyllood u man ka yakob kawa phooh wa phieñ wei kawa jop,” da ong ka Wyrta na ka Seiñraij Ionglwit.

Ki Prize kani ka Beauty Contest man ki kamni ha wah:

Winner- Rs. 15,000

1st Runner Up- Rs. 10,000

2nd Runner Up- Rs. 5,000

Ka bai Register man ko Rs. 300

Ha kani ka jooh ka sngi ka Seiñraij Ionglwit daw pynman ko leh ya ka 2nd Marathon (Open to All) neibynta ki khynnah chynrang wa kynthai hadooh ki waheh wei kiwa ye u chimbynta ha kani ka Marathon toh du kiwa chong chnong yong ka Nongjngi Pyllun.