Ha uni u snem i pynriam khrik-khrak ha Shillong da slem i wow sdang heiwa ka Christmas daw poi noh ko hapoh 10 sngi donhi wei ini da jia i dei wym em ya sñiawthooh kayi ka chnat sorkar kawa toh u leh yeini.
Heiyatoh wa ini, neiliang u Montri ka chnat Tourism, u Timothy D. Shira da ong u wa yeini da jooh leh da ka chnat Tourism tangwa hadien da ong wa daw leh yeini da ka chnat Arts & Culture yow pynriam ha Shillong.
Da pynche u leh wa ki thaw wym leh da ka chnat Arts & Culture daw leh da ka chnat Tourism.
Da ong u leh wa nadooh u snem wow wan kiwi ki sor kam ka Jowai wa Tura deilang kiwi ki District Headquarter daw pynriam noh da ka sorkar lada dap ka poisa deiwa sdang chwa na Shillong.
Da yooluti u leh wa deiwa leh kamni daw pynboon ko ya kiwa uiñke suwari kiwa daw wan heipor Christmas.
Heiyatoh wa ka Khyndailad da ong u wa i pynriam da sdang i tangwa daw chimpor kattu katni sngi yow pyndep.
Discussion about this post