Ka seiñ khynroo ka chnong Nangbah kawa tip kam ka Nangbah Youth Awakening Movement (NYAM) sa chisein daw pynman ko ya ka tamasa wa ar sngi kawa tip kam ka Annual Live Open Concert ha ka 28 wa 29 tarik uni u bnai (December) 2022.
Ya kani ka Annual Live Open Concert u pynman kamwa jooh ha Madan Dukhu, Nangbah kam chibynta leh u e laad, e rynsan ya ki khon yong ka chnong kiwa em i sap hei tem i put wa i rwai i siaw.
Ha ka sngi wa nyngkong kattæ ka 28 tarik daw wan chimbynta da kiwa tem wa pawnaam na Shillong wa Jowai kam ki The Lynx, ka Dr. Miracle Diengdoh, u DJ Exitosa wa u DJ Banshan deilang waka Lily Sawian.
Ha ka sngi wa ar won daw wan pynwyrngia da ki Rum and Monkeys, ki Distorted Maniac, ki Hamran wei daw pynchit won sa u DJ Favian.
Kamtæ ka NYAM da khut ko ya waroh kiwa maya sur wow ya wan cha kani ka Annual Live Open Concert nadooh i por 5:00 waje i janmiet ha waroh ar sngi.
Ka bai psiah man ko T. 150 chi sngi.
