Ka Miss Meghalaya Organization, hapoh ka satri ka Meghalaya Youth Tourism Development Society, sa chisien daw pynman ki yaka Miss Meghalaya wa Miss Teen Meghalaya 2023. Wei kani daw sdang deiwa jied namo ka Audition ha ka 12 tarik u Naisaphra 2023 ha Youth Hostel Shillong.
Kiwa jop yaka Miss Meghalaya wa Miss Teen Meghalaya daw mihkhmat ki ya ka jylla hapoh ka thaaiñ kamjooh ha ki rynsan yong ka ri.
Ha uni u snem ya ka yakob namo ka Grand Finale daw pynman ha ka 9 tarik u Naikhynde 2023 ha U Soso Tham Auditorium, Shillong wei ka song poisa waroh ya kiwa jop da man ko T. 2.80 lak.
Kani ka yakob kawa neh chi bnai u sdang ko deiwa pynphooh pynphieñ ya kiwa chibynta iwa 10 sngi wei najrong i dur kani ka yakob man ko leh neibynta i stat i chemphang kiwa chibynta, i chlur mynsien, i skem manbru, i bha mynsien wa kiwi de ymtoh deiwa bichaar donhi ya iwa miat cha jrong.
Daw e sikai leh kiwa boon jait nadooh i klam paidbah, u pynbha yei rukom im, rukom manbru yow ye sakhiat u man kam ki nongmuna ka imlang sahlang heijooh i por u man kam chibynta wow wai laad ya ki wow psiah cha ki kaam Modelling, Acting wa kiwi.
Kani ka yaleh Miss Meghalaya wa Miss Teen Meghalaya u man ko leh kam ka rynsan wow pynsñiaw wei wow pynsñiawthooh ya kiwa boon ki phang wa ktah ya ka imlang sahlang deiwa pynchlur ya kiwa chibynta wow klam chaphang iwa ki sñiaw ki ha ki wa emkaam yow man ki kam kiwa rah ya ka wyrta wow wanrah yei kylla.
Ka Miss Meghalaya kawa kattæ, ka Irene Dkhar da mihkhmat ko ya ka Meghalaya ha ka Miss Northeast 2022 wei da jop ko leh ya kani wei da mihkhmat ko ya ka jylla ha ka Femina Miss India Meghalaya 2023.
Ka Miss Teen Meghalaya kawa katni, ka Daniella Shirley Majaw da yoh ko u mihkhmat ya ka jylla ha ka Miss Teen Diva 2023 kawa da pynman ha Jaipur, Rajasthan wei da yoh ko leh wow chimbynta ha ka Lakme Fashion Week deiwa emlang ki bru wa pawnaam ka Bollywood.
Discussion about this post