Khliehriat: Ka Umlyngsha Youth Society & Sports Club (UYSSC), Elaka Lakadong, East Jaiñtia Hills District, lyngba ka Sports & Games Committee kawa da man yalang ha ka 16 tarik uni u bnai ha yung u President da rai wow pynman biang ya ka Inter-home Tournament 2017 kawa tip leh ya kani ka lympung yalehke kam “Umlyngsha Inter Dong Football League 2017”.
Ya kani ka Football League da sdang u pynman ya ka nadooh ynnin u snem 2016 hajrong i thmu wow kyntu kynrong ya ki khynnah khynroo wa em yei sap yong ki ha ka football heiwa daw jied leh ya ki na kani ka lympung yalehke kiwa ka Club daw yachim bynta ko ha 3rd Division, Bataw Zone kawa daw pynman ha Bataw da ka EJHDFA.
Da phiah leh hadooh soo tylli ki dong yong ka chnong katæ toh ka Dong main Road FC (RBB Road), Dong Loom Pyrdi FC, Dong East Colony FC, Dong Khadlynraw FC.
Ka Yalehke kawa nyngkong toh hapyrdi ka Dong Main Road FC pyrchah ya ka Dong Loom Pyrdi FC heipor 1:00 waje nohchariñ ka sngi ha ka 26 tarik uni bnai heiwa ka yalehke wa ar toh hapyrdi ka Dong East Colony FC pyrchah ya ka Dong Khadlynraaw FC heipor 3:00 waje janmiet ha ka jooh ka sngi.
Kani toh ka khubor kaba phah lyngba u Wellmiyoo Syrti ,President UYSSC, East Jaiñtia Hills.
Discussion about this post