August 19, 2017
0 Comments
Advertisement
Advertisement
Shillong: U Member Secretary ka Meghalaya State Food Commission da pynbna paidbah u ya ki kyndon wa emkaam ki paidbah u tip chaphang ka aiñ National Food Security Act, 2013 kawa thmu wow e baam ya ki manyung wa dooh wa duk hei dor wa toh bha.
Hapoh kani ka aiñ, 75% wa 50% kiwa em cha ki thaw wa nongkyndong wa ha sor da pait ya ki da ka Targeted Public Distribution System (TPDS) ka wow pynbiang 5 Kg u khoo cha uwi pa uwi u bru ha ka chi bnai. Ya kiwa dooh na kiwa dooh da em ka Antyodaya Anna Yojana (AAY) kawa e 35 Kg chi bnai kawi ka manyung.
U khoo hapoh ka TPDS da dai hei dor T.3 chi kilo ha ka 3 snem.
Hapoh kani ka aiñ ki kynthai da pynkup bor ya ki heiwa ya ka Ration Card toh u e hei pyrtuid ka kynthai kawa heh rta dooh kwa em ha ka manyung kawa da palat 18 snem.
Ya ki kynthai wa punkhon wa kiwa dang dep kha khon deilang wa ki khon ki kiwa em 6 bnai hadooh 14 snem em ki i hok wow yoh baam katkam wa da pynbna hapoh ka Integrated Child Development Services (ICDS) wa ka Mid-Day Meal (MDM)
Kani ka aiñ leh da booh ko ki kyndon heiwa ki PDS haap pynyoo paidbah lyngba ki Social Audit wow chna leh ya ki Vigilance Committee yow pyntikna wa ini i saam baam man i iwa khooid.
Da e bor leh ya ki paidbah u ujor ki ha ki bor district lada ym yoh ki yei hok namo em ka leh palat ya ki kyndon ka aiñ. Yeini ye u leh ha u District Grievance Redressal Officers (DGRO).
Ya ka Meghalaya State Food Commission da chna yow pait ko ya ini waroh yow pyntikna wa lai bait i rukom pynkrehkaam ya kani ka aiñ wei wow pynchitom ya kiwa tyngkheiñ ka.
Ki paidbah ye ki u phone cha ka Meghalaya State Food Commission yow yoh yutip chooh ha u No. (0364)2505517 wei ye leh u phone ha ka Call Centre ka Food Civil Supplies & Consumer Affairs Department ha u number wa mynkna No. 1967.
Advertisement
