Shillong: Hadien wa ka sien nyngkong ka Meghalaya Baby League, 2018 man ko kawa jop, ka Meghalaya Football Association da pynbna ko wa daw pynman biang yaka sa chisien ha uni u snem ha u Naiynniaw (July) wei daw pynman yaka ha ki 6 tylli ki District hapoh ka jylla.
Ya ki tarik wow pynlait ya ki Application Form ya ki Club wa kiwi kiwi daw pynbna ha kini ki sngi wow wan.
Ha u snem wa da dep palat 1,600 ngut ki khynnah kynthai wa chynrang kiwa em nadooh 4 hadooh 13 snem da chimbynta ki heiwa 12 tylli ki dhab da chimbynta ki ha ki 1,300 tylli ki yalehke ha ki 7 bnai kiwa pynman ha ki sngi wa kut ka tayaw.
Ha uni u snem daw pynku ya ki dhab wa ye wow chimbynta cha 54 tylli ha ki 6 tylli ki District ha ki 8 tylli ki thaw yalehke. Na Shillong kiwa chimbynta u ku ki cha ka 24 tylli ki dhab wei kiwi ki District kiwa daw chimbynta toh ka West Jaintia Hills, East Jaintia Hills, Ri-Bhoi, West Khasi Hills wa West Garo Hills.
Ka MBL ha uni u snem u pteiñ ko 6 bnai ha Shillong wa 4 bnai ha kiwi ki District, wei kamwa leh ynnin u snem da em em 5 kyrdan katkam i snem (4-5, 6-7, 8-9, 10-11 wa 12-13).
Discussion about this post