15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Daw pynman biang yei thap Vote hadien wa chem yaka kor EVM haka kari u kyrtong MLA ka BJP ha Assam

Advertisement ad1

Hadien wa mih khubor wa da chem ya kawi ka kor EVM hapoh ka kari yong u kyrtong MLA ka BJP u Krishnendu Paul ha Assam ynnin ka sngi iwa da pynphylla ya kiwa boon wa yoo ya i Video wa da pynpoor ha ki Social Media.

Neiliang ka Election Commission da pynche ko hajrong ini i jia deiwa ong wa ynnin ka sngi hadien wa kut i ya thap Vote, da kit ya kani ka kor EVM da kawi ka kari kawa da synraan da ki pulit tangwa neidaw wa joor u slap wei da kylla ktieh u sarok NH8 uwa lai cha Karimganj na i thaw wa thap Vote ha No. 149-Indira MV School ka LAS-1 Ratabari (SC) da wanrah ko yei sahkut ki kari kiwa em 1300 tylli kiwa pynemkaam ya u jooh u sarok yow lai cha i jooh i thaw.

Manda poi ha Nilam Bazaar, ka kari wa kit ya ki wakreh haka Election da sih noh ko heipor 9 waje i miet ka 1 tarik wei neidaw wa joor u slap wa i sahkut ki kari, ym em wa yoo wa chah ieh kani ka kari chadien.

Hadien wa pyntip cha u Sector Officer ya ini i jia yow pynbiang kari u, ki bru wa em hapoh kani ka kari da hiar ki wei da pynbait kari ki pyn da ki hi yow poi thaw kiwa man leh kini ki jooh ki bru wa pait yaka kor EVM.

Kini ki bru da pynsangeh ki kat kawa yoh ka kari khlem da tip toh ka yong uyi ka kari wei da ku ki hapoh ka kari wa em ya u number AS-10B-0022 yow kit ki cha Kamrimganj tangwa manda poi ki ha Kanaishil wa em ha Karimganj heipor kamwa 10 waje i miet da hap ki wow lai wer wer neidaw wa sahkut ka kari. Ha ini i por da mih kamwa 50 ngut ki bru kiwa da sdang wow kawang moo ki wei ym chah de ki wow lai ka kari ki.

Kini ki bru da e daw ki wa kani toh ka kari yong u Krishendu Paul uwa man leh u kyrtong MLA deiwa pynbaad wa da kit ya kani ka kor EVM yow leh ya ki kaam wymman.

Hadien ini da wan u DEO ka Karimganj wa u SP ka Karimganj heipor 10:20 i miet heiwa da chem wa kani ka kari toh ka yong ka Madhumita Paul ka kurim uni u kyrtong. Ha ini i jia manda joor ka kyndaad ki paidbah, da mynsoo leh u SP wei da hap wow siat cha suiñ yow ye u tympra ya ki paidbah.

Hadien ini manda sylli yaka kor EVM da chem toh kawa ym em chah pynsih lane em wa wai ka heiwa ki Seal man ki kiwa ym em chah looid, kamtæ da kit noh yaka cha ka thaw booh yaka (Strong Room).

Heiyatoh wa ini ya u Presiding Officer wa ki 3 ngut ki Official da Suspend yaki.

Da pyntip leh hanla ym em chah ktah ka EVM, da rai wow pynman biang yei thap Vote ha No.149-Indira MV School ka LAC 1 Ratabaru (SC).

Share this:
Previous

15 ngut kiwa dang yoh wa 1 wa chait na u COVID-19 ha Meghalaya

Next

Khang ka ECI wow yalap Election u Himanta Biswa Sarma 48 kynta