Ka Rophe Dental Clinic kawa em ha Iawmusiang, Jowai kam chibynta wow lehkmen yei lyngkhooh dap 10 snem, daw pynman ko da ka Free Dental Check Up haka 30 tarik uni u bnai (April).
Kani ka Free Dental Check Up toh kawa daw sdang nadooh 12:00 waje pyrdi sngi hadooh 4:00 waje i janmiet, kamtæ da khut ya phi ki paidbah wow chim ya kani ka kabu ksiar deiwa wan pynyoo ya iwon iwon i chitom i kjut ki lamieñ phi heiwa daw pait daw sylli dei mynkna.
Kani ka Rophe Dental Clinic toh kawa em ha S.B. Khyriem Building, Iawmusiang hajan ka Masan Bookstall wei kawa pynlai da ka Dr. Rimaiatre M Bareh.
Yow poi cha kani ka Clinic ye phi u wan neiliang Wahnangbah deiwa ku na ki rana yow psiah cha Iawmusiang wei ye phi leh u psiah chapoh Iawmusiang na laad DC yow poi cha kani ka Clinic.
Yow tip bniah ye phi wow Phone ha ini i Number-9436136068.
Discussion about this post