Jowai: Ka Northeast Indian Goal (NEIG) da pyntip ko wa daw pynman ya ka Football Trial da ka Boca Junior Football School India neibynta ki khynnah wa em 11,13,15 wa 18 snem.
Kamtæ ka NEIG da khut da wer ko ya ki kynnah wa khynroo yow wan chimbynta wow pynyoo ya ki sap ki phong yong ki. Ka Boca Junior Football School India daw jied ko ya ki khynnah wa khynroo wa em ki sap yow e ya ki ka sikai pynbniah wow yalehbol ha ka skur yong ka wei kamjooh ya ka puræ puthi.
Da khut sñiawbha ya kiwa em i thmu wa i sap wow wan chimbynta wei da kyrpaad leh ki bei ki pa ki khynnah wow e mynsien wei wow kyrchaan ya ki khon yong ki wow wan cha kani ka Football Trial kawa yoh myntoi chiboon khamtam ya kiwa chah jied, wei u man ko leh kam ka laad kamai ya ki khon khynroo ka jylla waroh kawi.
Da kyrpaad leh ya kiwa wan chimbynta yow wanrah ya ka Original Birth Certificate yow pynsakhiat yei snem.
Ya kani ka Football Trial daw pynman ha ki ar tylli ki thaw:
- Rymbai, Madan Iaw Pynsing haka 26-04-19 nadooh 7 waje i step.
- Jowai, Madan Jrisaleiñ haka 27-04-19 nadooh 7 waje i step.
Ya ka yutip wa bniah ye u phone ha kini ki number 8837035740 wa 9383143011.
Ini toh katkam wa pyntip u Ajoymeson Lyngdoh, CEO ka NEIG.
Discussion about this post