15 49.0138 8.38624 1 1 4000 1 https://wyrta.com 300 0

Dawa thaw thoh Exam u DC ka WGH yow lait lai chadooh cha Guwahati wa Shillong

0 Comments

Jowai: U Deputy Commissioner ka West Garo Hills District u Ram Singh da thoh u cha u Principal Secretary ka Labour Department ka sorkar jylla yow paan thaw yaleh exam namo ki Exam Center hapoh ka District neibynta ki exam wa pynman daka sorkar pyrdi kam ya ka SSC, UPSC wa ha ki PSU manda lait kaam.

Da ong u wa em boon ki khynroo khyllood ha ri-loom Garo kiwa da biang ya ka puræ puthi tangwa ym yoh kaam yoh jam ki wei da yaleh ki u pynkhreh ya ki Exam wa pynman da ka sorkar pyrdi tangwa neidaw wa wan ki na ki manyung wa dooh wa duk chitom ki u lai chadooh cha Guwahati wa Shillong wa hap ki u pynlut ya ka bai sah ka bai lai bai wan neibhah ya kini ki Exam da pynman bait ha Guwahati wa ha Shillong iwa man kiwa jngai ya kiwa boon.

Kamtæ u DC ka WGH da ong u wa ka Tura kawa man leh kam ka District Headquarter em ko leh hapyrdi ka ri-loom Garo kawa suk kiwa boon u poi cha ka wei em ko leh ki thaw wa kiwi kiwi wa emkaam yow pynman ya kini ki Exam kawa daw pynyoh myntoi ya kiwa em hapoh ri-loom Garo waroh kawi.

Da ong u leh wa duna bha u chem ya ki jaitbru Garo wa em ki ha kaam ka sorkar pyrdi kamjooh PSU kamtæ da kyrpaad u ya u Principal Secretary ka Labour Department wow chimkhia u ya kani ka kaam wow lirah ka hakhmat ka sorkar pyrdi.

Advertisement ad1

0 Comments

Leave a Reply